clop

Axuda para identificar

Atopei estas plantas nun baldío no medio dunha morea de datura como nunca tal vin, a marxen esquerda do Mondego a altura da Avenida de Conimbriga está completamente inzado delas. A planta en cuestión mide entre 30-50 cm., con follas similares na forma ás do estramonio pero máis longas e máis estreitas en proporción, porque no tamaño son ben máis pequenas. O fruto ten unha circunferencia entre unha moeda de 50 c. a 2€ e a flor é moi pequena como unha de 2 c.Se non chega coa foto terei que facer outras pero unha da planta enteira é difícil porque se perde no medio das outras.

National wildlife magazine

Autor: Kim Steininger Chadds Ford, Pennsylvania

Ai Espe, pobre!

¡Estampiñas da mártir Esperanza!

Digital camera Magazine premios 2006

En agosto foron concedidos os premios da Digital Camera Magazine que se me pasaron até que de casualidade fun dar a eles. Das fotiños (thumbnails) que aparecen ningunha foi a gañadora do primeiro premio na categoría de Animals & Nature.

Picapeixe 1

É un dos paxaros máis espectaculares, polas cores e pola sua actividade. O mes pasado leveime unha sorpresa ao velo na beiramar, perto da Casa de los peces (¿será que se chama así?) de A Coruña, e aínda non é difícil observalo nos nosos regatos. A foto que traigo debe ser unha das que todo fotógrafo de aves gostaría facer pero para a miña desilusión un entendido na materia díxome que preparan unha peceira con peixes nun local no que habita e con cámaras e sensores fotoeléctricos fan a fotografía. É lóxico porque o bicho é nervoso e desconfiado e atinar onde se vai introducir na auga para pescar semella difícil. Esta foto e as outras que aparecen na páxina de onde a saquei mostran a entrada e pesca por parte do picapeixe. Espero que calquer día Xiom nos sorprenda coa súa.
Enlace da foto
Fotos de Ilia Shalamaev
Fotos de Angel Pulido Domínguez

Feísmo

La Voz de Galicia promove o envío de fotos para denunciar esa lacra gallega de comportamentos antiestéticos e desastres urbanísticos.
Eu propoño outra campaña para denunciar o abuso, a tomadura de pelo e o desprecio aos galegos no que respecta ao seu idioma e a sua cultura, algo que me parece tan grave ou máis e da que La Voz é un claro exponente. Para empezar aí vai a miña:

Faltan tripulantes

Na ría do Burgo, A Coruña, por moito que lle pese a paco vázquez.
Non se sabe moi ben se leva capitán ou capitana

Donaldo o muyankidin

Vaise Donald Rumsfeld, Alias "Donaldo", o millor bombardeiro da liga antiárabe, fanático, radical e terrorista. Un exemplo de materia viva mal empregada. Un arma de destrucción masiva de vida, intelixencia e futuro. Adeus Exterminator. Foto: Donaldo con burka. Manipulada por Xisbe.

Double wires

Finalmente tomei a decisión e decidín colaborar co Clop. Para empezar un xoguiño para desesperarse ou descontraer, depende do grado de habilidade e a paciencia que un teña. Esta é a primeira vez que fago un post pero outros fan aínda menos.
double_wires
Se non gostades que vos ceiben unha pelota e correde atrás dela.
Auuu!!!

Amanita muscaria

E catandoa, quen lle dá o nome.
O outono prometía moitos cogomelos pero o certo é que agora non son tantos ¿exceso de calor?

Orquideomanía

Xa todos saben a nosa predilección polas orquídeas pero hoxe vamos dar una pequena volta para mostrar as especies tropicais ou polo menos tres das páxinas máis interesantes pola cantidade de información sobre orquídeas. Tamén hai fotos. Son especialmente apropiadas para identificar especies, así que xa sabedes cando vaiades a Costa Rica ou ao Amazonas ou ao mercado non vos esquezades de levar estes enlaces para consultar as flores atopadas ou pasarse por Flickr onde hai para dar e tomar. Orchidphotos OrchidMania Orchidspecies Hai moitos máis sitios pero espero que mos digades vos. E que ninguén se esqueza do nosa estrela oriental, o inigualable Dr. Tanaka.