clop

Romulea bulbocodium

Jmeijon está convencido de que é Romulea bulbocodium esta flor que atopamos perto de Coimbra, eu dudaba porque pensei que a Romulea era de sitios máis húmidos, pero parece claro que a é. Post de Jmeijon

solpor

Escrito por Xisbe a las 2:56 PM | Comentarios (0)

Outro Equisetum

Supoño que será outro equisetum, pero ¿cal?.

heléboro

Esta fermosa foto é de Jmeijon que a ten subida no Flickr, é unha planta venenosa que só está presente en Galicia na única zona calcárea do pais, o sudeste.
Herba dos bestilleiros, que a usaban para envenenar os seus dardos, curioso é o que se di que moitos castelos medievais están construidos onde crecía a planta.

Iris que non ira

Enlaces de orquídeas

>center>
O autor da fotografía pediu-me que lle enviase os enlaces de orquídeas silvestres de Europa que tiña, cousa que fixen por e-mail pero debeu haber algún problema, polo que poño-os aquí. Vai algún de botánica en xeral e algún outro de orquídeas cultivadas. A ver se non se perden tamén. A foto é dunha Orchis italica tamén coñecida pola flor do home aforcado.
franknature
ophrys.free
terrorchid.proboards27
fh-friedberg
europorchid
orchidwire
guenther-blaich
nativeorchid
3956
jtuomi
ibelgique.ifrance
kontoyiannis
phals
orchidguide
orchidees05
pm.blais
orchidee.fr
Orquideas_de_valdeorras
micologia
mikel.tapia
orchidphotos
jdevos.club
michel.nicole
antang
sabater
posadas
siba2
fh-friedberg
orchidees
orch
orchidee32
jfourlon
kammeka
europeanorchids
akuter
orchideen-kartierung
wilde-orchideen
hoseito
srgc
orquideasibericas
Orquideas
orquideas
floraiberica
liens
jardin-mundani
Agradecía me enviasedes todos os que coñezades e non estén na lista ou se hai algún roto. Gracias.

Ophrys fusca

Tiven unha visita, esperada pero moi corta de tempo, que deu para facer algunha cousa interesante. Como non podía ser menos, tratando-se de Jmeijon e Eva, fomos facer fotos e atopamos esta Ophrys fusca entre outras moitas flores. Seis especies de orquídeas, todas novas para eles; iris, narciso, aristoloquia, gynandriris, e algunha outra flor por datar. Unha sorpresa para eles, que nunca viran tantas orquídeas diferentes, e un día especial para min que xa me tardaba. Foi pena non ter máis tempo para poder ir a outros sitios, e que poideran ver e fotografar as primeiras Ophrys luteas, que atopei hoxe moi perto de onde andivemos onte. Espero que volten pronto e eu poder devolver a visita para unha excursión a O Caurel e a Serra da Lastra.

7muiños1c

Unhas de taqntas fotos que lle levo feito a este lugar, os Sete Muiños, lugar de tantos paseos e encontros, de lazer, de pesca, de mil historias, algunhas xa esquecidas. Tan cambiado desde a primeira vez que o vin, que perdeu un tanto do seu encanto da primeira vista. A man do homen non millorou nos últimos tempos o traballo paciente da natureza

erithonium_dens-canis2

Este é o famosísimo erithonium dens-canis que por fin poiden fotografar despois de un ano de espera. Foi nos Sete Muiños e á sombra, ou sen luz directa do sol, como gosta Jmeijon.

Esquema de flor de orquídea

Este é un esquema xeral dunha flor de orquídea silvestre, está sacado e traducido de flora ibérica. Non fai falta decir que algunhas se saen un pouco desta xeneralización.

Scilla

Jmeijon mandou esta Scilla sen máis datos, son difíciles de identificar polo que non podo decir nada máis dela.

Flor de Pascua

Detalle de flor de pascua. ¿Será?

Muiños

Nunha praza de Proença-A-Nova esta homenaxe aos muiños de aceitona.

O salep

Moendo o tubérculo seco de algunhas especies de orquídeas, obten-se un po amarelo, o salep, que se utiliza para preparar unha bebida quente que se bebe en Turquía. Tamén se utilizou como reconstituinte para convalecientes pero as suas propiedades non foron cientificamente probadas. Está formado o po por mucílago, azúcar e almidón. Co mucílago tamén se fai unha xalea para as irritacións dos intestinos. Para quen queira preparar o salep unha receta: recolle-se o tubérculo lateral e ferve-se en auga ou leite antes de po-los a secar (pasase-lles un fio e penduran-se a secar) e facer o po. Unha culler de po, outra de fécula de pataca, outra de fécula de arroz, sucre, e medio litro de leite. Deixa-se ferver dez minutos e sirve-se con canela e moi quente. Eu non o preparei, cando vaia a Turquía xa o beberei. No caso das lavativas via rectal espero non ter que usa-las. En Portugal algunhas das orquídeas chaman-se salepeiras. A foto é outra Ophrys tenthredinifera.

latoeiro

Hoxe fun traballar a Proença-A-Nova, umha cidade do interior na Beira Baixa, , na que atopei un latoeiro, oficio xa desaparecido ou casi.

Escrito por Xisbe a las 11:56 PM | Comentarios (1)

ophrys tenthredinifera

Supoño que será Ophrys tenthredinifera, atopeina onte cando voltaba de vacio nun sitio por onde xa pasara. No meu descargo decir que non mide máis de 6-7 cm.
Os de Flora Ibérica non a dan como certa na Beira Litoral, teño as miñas dúvidas, descríbena como: tallo de 10 a 60 cm, follas basais ovadas, con 3 a 8 flores por inflorescencia, pétalos laterais triangulares, rosados rosado-purpúreos ou blanco-verdosos, labelo sub-cuadrangular a trapezoidal, de alaranxado a pardo-roxizo ou pardo amarelado, con pelos, con unha franxa marxinal amarela ou verdosa.
En pastizais, claros de matorrais en substrato básico preferentemente anque tamén en ácido. Floración entre Febreiro e Xullo. Altitude de 0-1000 m.
Teño as miñas dúvidas porque a foto dixital non é boa, xa veremos a outra, está a contraluz e penso que a flor aínda non está perfectamente desarrollada. Farei máis fotos mañán.

Orquídeas por Ferrolterra

Este post é en especial para Dorfun e para todos aqueles que teñan imterés en saber que tipos de orquídeas se poden atopar por Ferrolterra ou non moi lonxe.
As citas de localización e floración están sacadas do traballo de C.Cortizo&Elvira Sahuquillo que xa citei en algún post anterior. Algunhas citas son antigas e poden non ser válidas hoxe. No caso da floración sempre pode ser un pouco antes ou despois
Poño unha ligazón fotográfica, por si queredes dar-vos uhna idea de como son, o de les orchidees de L'Herault, do Languedoc francés.
Cephalanthera longifolia (florece entre finais de Abril a finais de Xuño)
Capela, Caaveiro, Camariñas (areal marítimo, dunas da praia do Trece), Ortigueira
Dactylorhiza elata (Florece entre Maio e Xuño)
Valdoviño (praia de Villarube, sobre Punta Ouzal, praia de Pantín, praia da Frouxeira) ; Ortigueira, prados húmedos de trasduna; Somozas (Silvao); Sada; Cabañas.
Dactylorhiza maculata (Florece entre primeiros de maio a Xullo)
Valdovinho(Pantín); Cariño; Cedeira(Punta Candieira; baixo Couto Ameneiro; San Andrés de Teixido); Cabañas.
Epipactis helleborine (Florece en Setembro)
Neda, Fene, río Belelle
Epipactis Palustris (Florece en Xullo)
Ferrol( Covas, As Cabazas, zona húmeda); Valdoviño.
Gymnadenia conopsea (Florece entre Xuño a Xullo)
San Andrés de Teixido; Cario; Ortigueira..
Ophrys apifera (Florece entre Maio e Xullo)
Valdoviño(praia da Frouxeira, Villarube,); Ortigueira(praia de Cavalar e trasduna)
Ophrys Sphegodes (Florece entre Abril eXuño)
Ferrol(Covas, dunas en Doninhos); Ortigueira(trasduna); Camariñas(praia de Trece)
Platanthera bifolia ( Florece entre Maio e Xuño)
Arredores de Neda e Ferrol
Serapia lingua (Florece en Abril e Maio)
Ferrol(Doniños), Bergondo(Guísamo, Cortiñan)
Serapia parviflora ( Florece en Maio,Xuño)
Ferrol(Covas,); Pantín; Ortigueira(Cavalar); Valdoviño(dunas fixas, Villarube), praia de Miño.
Spirantes aestivalis (Florece entre Xuño e Agosto)
Ferrol(Covas,Doniños); Valdoviño, Ortigueira.
Spirantes spiralis (Florece en Setembro Outubro)
Ferrol(Covas), Pontedeume, Betanzos, Valdoviño

Folla de xeranio

Mándoche unha folla dun xeranio, dos que se poden atopar en calquera valado ou borde de camiño e que collín "in fraganti" antes de que espertara coas primeiras raiolas de sol que lle borran as pingas da noite. Post de Jmeijon

Barlia robertiana

A orquídea de onte é Barlia robertiana ou Himantoglossum robertiana ou Himantoglossum longibracteata, depende dos autores. Despois de revisar a miña documentación e non chegar a ningunha conclusión, subín a foto a Micologia.net e identificaron-a como tal.
C.Cortizo&E. Sahuquillo, autores do traballo do que falei estes días, falan de unha única cita en Galicia (Lugo.Pedrafita.Noceda-Merino 1909), e C. Aedo do libro que se está facendo, Flora Ibérica, dá-a como dudosa en Lugo.
A descripción que en flora Ibérica fan é: tallo groso verde de entre 20 a 80 cm., follas envainadoras, carnosas e lustrosas, inflorescencia de até 70 flores sésiles. Pétalos laterales lanceolados, obtusos e converxentes, e central máis largo e claramente bilobado, con duas cristas lonxitudinais na boca do espolón. Flor de rosada a purpúrea, as veces abrancazado con manchas purpúreas no centro e verdoso nas marxens, con espolón obtuso e recto.
En matorrais, pastizais, claros de fragas e dunas, entre 0 e 1100 metros , de floración entre Marzo a Abril (De Xaneiro a Maio, segundo as zonas). Esta estaba á beira de un camiño onde había matorrais e o substrato era calizo, na Serra D'Aire (Extremadura-Ribatejo).
Non se lle coñece nome galego específico, en castelán orquidea xigante e en portugués salepeira-grande.

A primeira

É a primeira orquídea que fotografo na temporada. Despois de un corto paseo e de pasar a primeira vez sin vela que era cando había boa luz. Fíxen a foto á presa e así saíu. Aínda está sen identificar pero o facto de ser a primeira non me permite espera. Xa poñerei máis tarde o nome. Se sabedes cal é non dudedes en deci-lo.

Matantiruland

Baterflai, unha arxentina de Matantiruland, manda-me un selo por ter participado nunha enquisa do seu blog para saber quen a lee, agora espero para saber se teño dereito á acta de nacionalización de Mantantiruland. Non teño máis datos dela, que aqueles que pode dar a lectura do seu blog, ou os seus comentarios en outros, xeralmente cargados de humor, que foi o que me fixo chegar a matantiru, anque algún dos seus posts son tan crípticos que non me entero de nada. Con todo é para min de lectura obligada a través dos feeds de Bloglines

Orquídeas en Galicia II

O correo trouxo excelentes novedades. Eva enviou-me un traballo científico de gran valor:La familia Orchidaceae en Galicia de C. Cortizo&E. Sahuquillo do Departamento de Bioloxía Animal, Bioloxía Vexetal e Ecoloxía da Universidade de A Coruña, publicado na Nova Acta Científica Compostelana (Bioloxía). 9: 125-158 (1999) - ISSN 1130-9717.
Aquí, de forma detallada expoñen as 36 especies de orquídeas atopadas en Galicia, con localización xeográfica, hábitat, altitud, época de floración e as referencias (herbarios e citas de outros estudosos). Moi completo.
Pouco a pouco e segundo as atopemos e fotografemos irán saíndo aquí.
Agradecía toda información similar sobre orquídeas de Galicia e Portugal, así como invito a todo aquel que queira publicar as súas fotos de orquídeas a por-se en contacto conmigo.
Gracias Eva.

Mosqto

Fai un par de anos vin na revista N.G,a de bordes marelos, un artigo sobre 'traças', polillas, na que as fotografías presentadas eran escaneos feitos ao propia animal, o escáner como cámara. A calidade excepcional. Para face-lo ben é preciso un aparato especial e uns trucos, senon o resultado é parecido a este.

Escrito por Xisbe a las 10:59 PM | Comentarios (0)

Calla...

Alá pola Fraga do Eume antes do 2000 este exercicio de tolerancia.

Que escupe tu peluco?

Máis ala da Penablanca hai un piñeiral grande atravesado pela estrada para Sobrado. Só o gando que anda ceibo circula por alí con frecuencia, e sempre á mesma hora van beber a un estanque ao pé do reloxio.

Blogs e periodismo

Por un dia, un blogger chamado Garret Graff, consigue acreditación na sala de prensa da Casa Blanca pero, leva-se unha decepción, as condicións da sala son penosas.
¿Como un non periodista ousa pedirlles unha acreditación?
Había un precedente de alguén que firmaba como Jeff Gannon. Un tal James Guckert facía de periodista do acreditado Talon News (agora parada) e era xa conocido polos seus colegas por aquel ao que daban a palabra,cando a roda de prensa non iba por bon camiño, para facer a pregunta oportuna e rescatar ao político de turno. Uns blogs investigan e se atopan coa relación que hai dun grupo repúblicano ultraconservador con Talon News e do 'tal periodista' con páxinas piardeiras. Parece ser que o Congreso lle negara a acreditación. Blogs e periodismo, so os periodistas, anque haxa blogs que informan, á sua maneira.

Desde fai tempo entre uns cantos que escreben blogs, e son máis veteranos ou expertos ou periodistas, falan de blog como forma de periodismo ou nova forma de periodismo ou ética blog, mixturan todo un pouco e, aparece a disparidade, as clasificacións e os torneos. Pero algúns xeneran opinión (sobre aspectos moi distintos). Hai de todo como en botica. Até chegar á sentencia.
Un artículo tan sisudo bem merece uns créditos.
Público Eu li-no no xornal.
informador.com
libertaddigital.es
baquia.com

J e Lía

J. e Lí­a

Lebre morta

Eis o producto da estupidez ou o descuido. Algo que ocurre máis veces no meu pais que o nacimento de un neno, algo que nos vai comendo a única riqueza que poseemos, a natureza. Non sei ben quen son os culpados, supoño que todos nós, por moito que se fale de políticos, pastos , madeiras ou inmobiliarias; como tampouco me interesan os números, tantas hectáreas, tanto diñeiro, tantos anos perdidos. Xa só me dá magoa ver o noso país máis obscuro e cincento, e saber que ese ecosistema coa sua biodiversidade está perdido para xa. Doe-me cando os media informan de tantas hectáreas e tanto diñeiro perdido porque non saben nin poden valorar as vidas perdidas. Esto que vedes debeu ser unha lebre, que o veterinario forense o desminta, que o lume apañou na cama hai uns anos na bisbarra de Ferrol.

Musgo

Esto é un musgo, non preguntedes cal, que Jmeijon fotografou o domingo ao pé do mesmo río, eu non poiden face-la con toda a parafernalia de réflex,obxetivo micro, trípode e demais. No meu descargo está que me sentín un bocado inhibido pola presencia de paseantes que metían o fuciño tratando de descifrar que era o que fotografabamos. Este post é de Jmeijon, aínda que non o escribira el, que me corrixa si se atreve.

Couselos

"Ouvear ouvean os couselos en San Martiño Pinario"

Xosé Luis Méndez Ferrín

Ou algo así decía en "Con pólvora e magnolias", ha tanto que non o releo que non sei ben se di así.
Estos ouvean perto do Rio Escádebas e é un regalo que Jmeijon me deixou probando a Fuji dixital este fin de semana. En castelán, ombligo de venus ou sombrerillo e en latín científico Umbelicus rupestris.

liq

Xa fai tempo que fotografei este lí­quen (non pode ser outra cousa), que aparece nas penas de granito. Despois de non sei cantas fotos aí­nda non fixen unha da que realmente goste moito. Esta está feita nun paseo que din o outro dí­a polos Sete Muiños e tampouco parece ser a definitiva.

Novo periodismo

Novo periodismo ou blog polas paredes? Crónica ou manifesto? Libertade de expresión ou atentado á propiedade pública?

As vezes..

As vezes duma mã mouteira sae um bom coelho, (proverbio portugués).

Restorante

Nos últimos anos proliferan por moitas zonas de Galicia, aproveitando as romerías populares,unhas horrorosas mesas de tablas e estacas de eucaliptus cubertas cun plástico de ensilar negro que te podes atopar nos lugares máis insospeitados e que desde logo non están en harmonía coa paisaxe (case nunca). A foto amosa un destes enxendros pero neste caso, cando menos, tentaron poñerlle unha miga de orixinalidade e humor.Pódese admirar na desembocadura do rio Xunco, á altura da praia de Rueta en Cervo, Lugo. O día da fotografía, o pasado 24 de Febreiro, arredor del había media ducia de sacos de lixo cheos que non quero nin imaxinar o tempo que levan alí agardando a ser recollidos. Xélidos saúdos e unha aperta. Post de Jmeijon

Duelo

Di Anxo Quintana que o Fiscal Xeral do Estado debería investigarar as «corrupcións institucionais» da Xunta.
Contesta Jaime Pita: Calla procesado, condenado.
O PP sempre responderá a calquer acusación co consabido:"Y TU MÁS" E máis aínda o pistoleiro máis rápido do Oeste peninsular. ¡ Ai, se Galicia fose un saloon!, pero só ten categoría de baiuca.